Semangat Wengi

Wayah wengi iki kelingan lagu dolanan jaman sik cilik, yo kuwi lagu Padang Bulan. Ono sing sih kelingan?

Yo p’ro konco dolanan ing njobo
Padang bulan padange koyo rino
Rembulane sing awe-awe
Ngelengake ojo podho turu sore

Mbiyen pas cilik iku lebar Isya’, sak budhale ngaji, bocah-bocah podho kumpul nang pelataran. Arep ngopo? Yo dolanan tho ya.

Kadang maen rok benteng (bentengan), kadang maen gobak sodor, kadang rok umpet. Wis pokoke sing serba mloya-mlayu. Kadang ugo dho pepetengan menyang kebon. Perkoro opo? Biyasane nguber jangkrik.

Yen perkoro umpet-umpetan, koyone aku sing paling kreatip ngumpet. Pernah nganti suwe banget aku diluru, aku ngumpet manjat nang wit jambu. Pernah ugo aku ngumpet nang njrone songkro bakso sing wis ora kanggo.

Masalah mlayu-mlayu, aku yo salah satu sing paling banter mlayune. Semrantal ngono mbiyen aku yen mlayu. Lincah endho-endho yen dikejar pas maen rok benteng.

Saiki yen dieling-eling ngono, bedho banget aku karo mbiyen. Gembuk banget saiki, angel olehe mlayu. Padahal kawit mbiyen ki aku paling seneng mlayu. Termasuk mlayu soko kenyataan, yen senyatane aku kuwi nggantenge sakpore. 😀

Yen dieling-eling neh, mbiyen cilik ki aku yo laris manis juga. Ganteng soale. 😛

Akeh sing naksir. Mulai konco Esde, konco ngaji, koncone konco. Ono sing terang-terangan, ngumbar-ngumbar yen dhe’e seneng karo aku. Akeh juga sing isin-isin, nglirak-ngliriki aku. Istilahe jaman saiki sekret admirer ngono iku, lah. 😀

Saiki? Boro-boro ono cah wadon nglirik aku mergo naksir. Sing akeh malah empet ndelok wajahku sing jarene lumutan lan berakar iki. Nasib, nasib… 😦

Tak gatek-gatekke, cah-cah sing mbiyen podho naksir karo aku iku saiki dadi gadis-gadis ayu. Wis jan, nyesel tenan aku. Cubo yen dhe’e kabeh dho naksir karo akune pas jaman-jaman saiki, yo. 😀

Ngeling-ngeling wayah semono ki gawe nostalgila. Kangen pol karo bocah-bocah. Pengen dolanan bareng neh. Nang sak ngisore rembulan sing padang. Pengen mlayu-mlayu. Pengen ngumpet neh nang ndhuwur wit jambu. Ah, tapi saiki wit jambune wis ditegor. Ngumpet nang ndhuwur genteng ae berarti. Opo nang njero sumur ae yo?

Wis jam piro ki saiki? Wah, wis ndalu rupane. Pengen turu, tapi si Insomnia pengen njaluk dikancani. Yo wis, tak kancani nganti subuh.

Silakan berkomentar sesuka hati

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s